മഴ

എനിക്ക് എന്നും പ്രണയമല്ലാതെ പ്രതീക്ഷയില്ല. എങ്കിലും മഴയുള്ള ദിവസം ഞാന്‍ എന്റെ ജനാലകള്‍ അടക്കാറില്ല.. ആരും വരില്ലെന്ന് അറിഞ്ഞിട്ടും  ആരോ വരുമെന്ന ചിന്തയില്‍...... ....വെറുതേ..

പകലിരവുകളില്‍ കുമിഞ്ഞുകൂടുന്ന കാര്‍മേഘങ്ങളും ഊര്‍ന്നിറങ്ങുന്ന മഴത്തുള്ളികളും മാത്രം  ബാക്കി...

സ്വപ്നം

ശാന്തമായി ഒഴുകുന്ന ഒരു പുഴപോലെ നൈര്‍മല്യമായിരുന്നു അന്നവളുടെ മുഖം..ഇന്ന് എങ്ങനെയായിരിക്കും ? ഊഹിച്ചെടുക്കാന്‍ എന്ത് കൊണ്ടോ എനിക്കിന്നു കഴിയുന്നില്ല . എന്നും എന്റെ നഷ്ടസ്വപ്നങ്ങള്‍ക്ക് നിന്റെ മുഖമായിരുന്നു. ഒരുപക്ഷേ പിന്നീട് ഞാന്‍ സ്വപ്നം കാണാന്‍ മറന്നത് കൊണ്ടാകാം.